ALL ताज्या बातम्या विशेष लेख संपादकीय जाहिरात / ADVT शैक्षणिक वृत्तान्त/लेख मुलाखत शासकीय योजना मनोरंजन क्रीडा शेती/शेतकरी
3 बाधित रुग्णाचे दोन्ही नमुने निगेटिव्ह आज सोडणार घरी ; 61 अनुमानितांचे रिपोर्ट निगेटिव्ह तर 14 अनुमानित विलगीकरण कक्षात दाखल
April 29, 2020 • गोरख तावरे • ताज्या बातम्या

 

3 बाधित रुग्णाचे दोन्ही नमुने निगेटिव्ह आज सोडणार घरी ; 61 अनुमानितांचे रिपोर्ट निगेटिव्ह तर 14 अनुमानित विलगीकरण कक्षात दाखल

कराड : कृष्णा मेडिकल कॉलेज,कराड येथे दाखल असणाऱ्या तीन कोविड-19 बाधित रुग्णांचे 14 दिवसानंतरचे दोन्ही नमुने निगेटिव्ह आल्याने त्यांना आज रुग्णालयातून घरी सोडण्यात येणार असल्याची माहिती जिल्हा शल्यचिकित्सक डॉ. आमोद गडीकर यांनी दिली. तसेच क्रांतिसिंह नाना पाटील सर्वसाधारण रुग्णालय, सातारा येथील 20, स्व. वेणुताई चव्हाण उपजिल्हा रुग्णालय, कराड येथील 33,कृष्णा मेडिकल कॉलेज,कराड येथील 6, उपजिल्हा रुग्णालय, फलटण येथील 1 व ग्रामीण रुग्णालय, वाई येथील 1 असे एकूण 61 अनुमानितांचे रिपोर्ट निगेटिव्ह असल्याचे बी.जे. वैद्यकीय महाविद्यलय, पुणे यांनी कळविले आहे.

दिनांक 28 एप्रिल रोजी उशिरा क्रांतिसिंह नाना पाटील सर्वसाधारण रुग्णालय, सातारा येथे 14 जणांना अनुमानित म्हणून विलगीकरण कक्षात दाखल करण्यात आले आहे. या सर्वांच्या घशातील स्त्रावांचे नमुने बी. जे. वैद्यकीय महाविद्यालय, पुणे येथे तपासणीसाठी पाठविण्यात आले असल्याचेही डॉ. गडीकर यांनी कळविले आहे.