ALL ताज्या बातम्या विशेष लेख संपादकीय जाहिरात / ADVT शैक्षणिक वृत्तान्त/लेख मुलाखत शासकीय योजना मनोरंजन क्रीडा शेती/शेतकरी
राज्यातील जनतेला न्याय मिळवून दयावा - खा. शरद पवार  शंभूराज देसाई यांना शरद पवारचे आर्शिवाद
January 10, 2020 • GORAKH TAWARE

कराड  - राष्ट्रवादी काँग्रेस पक्षाचे राष्ट्रीय अध्यक्ष खा. शरद पवार यांची गृह (ग्रामीण),वित्त,नियोजन,राज्य उत्पादन शुल्क,कौशल्य विकास व उद्योजकता,पणन राज्यमंत्री शंभूराज देसाई यांनी राज्यमंत्री म्हणून विराजमान झालेनंतर मुंबई येथे यशवंतराव चव्हाण प्रतिष्ठानमध्ये सदिच्छा भेट घेतली.

यावेळी शंभूराज देसाईंनी खा. शरद पवार यांना पुष्पगुच्छ देत आर्शिवाद घेतले. शरद पवार यांनी आर्शिवाद देत पुढील राजकीय वाटचालीस शुभेच्छा दिल्या.तसेच राज्यमंत्री  म्हणून उत्कृष्ट काम करावे माझ्या तुम्हाला कायम सदिच्छा असल्याचेही सांगितले.

यावेळी शरद पवार यांनी राज्यमंत्री म्हणून राज्यामध्ये चांगले काम करण्याची संधी तुम्हाला मिळाली आहे.मिळालेल्या संधीचे सोने करुन राज्यातील जनतेला या खात्यांच्या माध्यमातून न्याय मिळवून दयावा. तुम्हाला प्रशासकीय कामांचा चांगला अनुभव आहेच याच अनुभवाचा लाभ राज्यातील जनतेला व्हावा मिळालेल्या खात्यांच्या माध्यमातून बरेच काही नवीन शिकण्यासारखे आहे. माझे आपणांस सहकार्य आहेच त्याचबरोबर चांगले काम करणेकरीता सदिच्छाही दिल्या.