ALL ताज्या बातम्या विशेष लेख संपादकीय जाहिरात / ADVT शैक्षणिक वृत्तान्त/लेख मुलाखत शासकीय योजना मनोरंजन क्रीडा शेती/शेतकरी
प्रा. रघुनाथ केंगार नॅशनल बेस्ट टीचर ऑवर्डने सन्मानित
February 21, 2020 • गोरख तावरे • ताज्या बातम्या

प्रा. रघुनाथ केंगार नॅशनल बेस्ट टीचर ऑवर्डने सन्मानित

कराड - वेणूताई चव्हाण महाविद्यालयाचे मराठी विभागाचे प्रा. डॉ. रघुनाथ केंगार यांना २०२० चा "नॅशनल बेस्ट टिचर ऑवर्ड" देऊन समारंभपूर्वक गौरविण्यात आले. शैक्षणिक सामाजिक, सांस्कृतीक क्षेत्रातील लक्ष्यवेधी योगदानाबद्दल त्यांना आविष्कार सोशल अँन्ड एजुकेशनल फ़ॉऊन्डेशन (कोल्हापूर) तर्फे पुरस्कार देऊन सन्मानित केले आहे.

प्रा.डॉ.रघुनाथ केंगार यांनी शिक्षण क्षेत्रात तीन दशके केलेले अध्यापन विद्यार्थीप्रिय शिक्षक म्हणून मिळविलेले यश, म. रा. पाठयपुस्तक निर्मिती व अभ्यासक्रम संशोधनमंडळ,(पुणे) यांनी स्वीकृत केलेले १ ली ते ८ वी मूल्यशिक्षण शिक्षकांच्या दृष्टिकोनातून सद्यस्थितीचा अभ्यास या संशोधन प्रकल्पातील शिफारशीचा परिणाम म्हणून पाठयपुस्तकात भारतीय संविधानाच्या उद्देशिकेचा शाळेला समावेश, शिवाजी विद्यापीठ कोल्हापूरचे सिनेट सदस्य म्हणुन केलेले कार्य, विविध मराठी साहित्य संमेलनाचे आयोजक तसेच संमेलनाध्यक्ष म्हणून केलेले काम, सदाचार अर्थात नैतिक मूल्याचे शिक्षण या ग्रंथाचे लेखन, शिक्षण प्रसारासाठी दिलेली हजारो व्याख्याने, आकाशवाणी केंद्रावरून प्रसारित झालेली चिंतनपर भाषणे, पीएचडीचे मार्गदर्शक म्हणून संशोधक विद्यार्थ्यांना केलेले मार्गदर्शक केले आहे. 

याप्रसंगी फ़ॉन्डेशनचे अध्यक्ष संजय पवार, मराठवाडा विभागीय अध्य्क्ष प्रा. डॉ. संतोष भोसले, ऑवार्ड सिलेक्शन कमिटीचे सदस्य राममूर्ती रायसिंग (जळगाव), मिसेस नीलिमा बोरा (आसाम ), प्राचार्य डॉ. अविनाश सांगोलेकर, मिसेस वानी, प्रा डॉ . प्रभाकर पवार, कृष्णकांत हजारिका, प्रा. माणिक बनकर उपस्थित होते.