ALL ताज्या बातम्या विशेष लेख संपादकीय जाहिरात / ADVT शैक्षणिक वृत्तान्त/लेख मुलाखत शासकीय योजना मनोरंजन क्रीडा शेती/शेतकरी
नागठाणे येथील पालकमंत्री बाळासाहेब पाटील यांनी घेतली प्रशासनाकडून माहिती
April 21, 2020 • गोरख तावरे • ताज्या बातम्या

नागठाणे येथील पालकमंत्री बाळासाहेब पाटील यांनी घेतली प्रशासनाकडून माहिती

कराड - नागठाणे (ता.सातारा) येथे महाराष्ट्र राजयचे  सहकार, पणन तथा पालकमंत्री बाळासाहेब पाटील यांनी भेट देऊन प्रशासनाच्या वतीने राबवण्यात येत असलेल्या उपाययोजनांची माहिती घेतली. 

तसेच येथील स्वस्त धान्य दुकासन अचानक भेट दिली. तेथे रेशन वितरणाचे काम सुरू होते. दुकानाचे मालक यांच्याशी  चर्चा केली. तसेच तेथे उपस्थित असलेल्या नागरिक व महिलांशीही चर्चा केली. दुकानासमोर उभ्या असणाऱ्या लोकांना उन्हात न थांबता सोशल डिस्टन्स ठेवून सावलीत बसण्याच्या सूचना त्यांनी केल्या. दुकानासमोर गर्दी होऊ नये यासाठी दुकानातील वजन काटे वाढवून तातडीने रेशन देण्यात यावे, अशी सूचना त्यांनी केली.  

त्याचबरोबर आरोग्य विभागामार्फत होम टू होम सर्व्हे करून परागावातून, परजिल्ह्यातून कोण आले आहे का याची माहिती घ्यावी,   याबाबत सविस्तर चर्चा पालकमंत्री बाळासाहेब पाटील यांनी सरपंच विष्णू साळुंखे व ए.पी.आय. चंद्रकांत माळी यांच्यासोबत केली.

तसेच कोरोना सारख्या राष्ट्रीय आपत्तीच्या काळात नागरिकांनी अधिक सतर्क रहाणे गरजेचे आहे. अत्यावश्यक सेवा वगळता अन्य कारणांसाठी लोकांनी बाहेर पडणे टाळवे. असे आवाहन यावेळी त्यांनी केले.

याप्रसंगी अजिंक्यतारा सहकारी साखर कारखान्याचे संचालक यशवंत हरी साळुंखे(नाना), सरपंच विष्णू महादेव साळुंखे, विकास सेवा सोसायटीचे चेअरमन संजय शिवाजी साळुंखे, ए. पी.आय. चंद्रकांत माळी साहेब आदी.उपस्थित होते.