लग्नात जपली सामाजिक बांधिलकी
डाकेवाडीतील चिंचुलकर कुटूंबीयांची शाळेसाठी आर्थिक मदत
कराड - पाटण तालुक्यातील डाकेवाडी - काळगांव येथील आनंदा चिंचुलकर आणि परिवाराने लग्नसमारंभादिवशी जि.प.प्राथ.शाळेसाठी आर्थिक मदत देत सामाजिक बांधिलकी जपली आहे. राज्यावरील कोरोनाचे सावट तसेच लग्नातील अनावश्यक खर्च टाळून चिंचुलकर कुटूंबियांनी लग्न साधेपणाने करण्याचा निर्णय घेतला. अत्यल्प स्वकीयांच्या उपस्थितीत विवाह सोहळा संपन्न झाला.
‘एक हाक माझ्या शाळेसाठी’ असे आवाहन स्पंदन चॅरिटेबल ट्रस्ट डाकेवाडी यांच्यावीने डाॅ.संदीप डाकवे यांनी केले होते. त्यानुसार लोकसहभागातून शाळेची रंगरंगोटी इतर भौतिक सुविधा देण्याचा प्रयत्न करण्यात आला होता. शाळेला भौतिक सुविधांची तसेच आर्थिक मदतीची गरज असल्याचे मुख्याध्यापक महादेव गेजगे, उपशिक्षक रणजित शिंदे यांनी केले आहे. आपण ज्या शाळेत शिकलो, आपलाही यात काही सहभाग असावा या हेतूने आनंदा विठ्ठल चिंचुलकर आणि परिवाराने मुलगा कृष्णा आणि आनंदा पांडूरंग चाळके यांची कन्या स्वाती यांच्या विवाहानिमित्त आर्थिक मदत देणगी स्पंदन चॅरिटेबल ट्रस्टचे संस्थापक अध्यक्ष डाॅ.संदीप डाकवे यांच्याकडे सुपुर्द केली.
यावेळी शिवछत्रपती प्रतिष्ठानचे अध्यक्ष अधिक डाकवे, विकास डाकवे, आनंद डाकवे, नवनाथ जाधव, शिवाजी डाकवे, विकास जाधव, पंढरीनाथ दुधडे, रविंद्र डाकवे, अंकुश डाकवे, शंकर चिंचुलकर, दिलीप डाकवे, भिमा डाकवे व अन्य मान्यवर उपस्थित होते. आपल्या आनंदाच्या प्रसंगी गावातील मुलांच्या शिक्षणासाठीमदत व्हावी यासाठी सहकार्य करणा-या आनंदा चिंचुलकर परिवाराच्या कृतीचे कौतुक होत आहे.
